අද අරගෙන ආවේ මේ අවුරුද්දේ එනකම් මඟ බලන් හිටපු Thriller චිත්‍රපට වර්ගීකරණය යටතට වැ‍ටුණු The Guest චිත්‍රපටයයි. අධ්‍යක්ෂණය Adam Wingard වන අතර Dan Stevens, Maika Monroe, Brendan Meyer and Lance Reddick යන තරු රංගනයෙන් චිත්‍රපටය හැඩගන්වනවා.කතාව ගැන කියනවනම්,පීටර්සන් පවුලෙ පුතෙක් වන කෙලෙබ් ඇෆ්ගනිස්ථාන යුද්ධෙදී මියයනවා.කෙලෙබ් තමයි එම පවුලේ වැඩිමහල්ම දරුවා.ඔහුගෙ පවුලෙ ඉන්නෙ දෙමපියන්ට අමතරව නංගී කෙනෙක් හා මල්ලි කෙනෙක්.මේ අතර නොසිතූ විදිහට ඔවුන් සිටින ගෙදරට ඩේවිඩ් කොලින්ස් නමැත්තෙක් පැමිණෙනවා කෙලෙබ්ගෙ මිත්‍රයෙක් යැයි පවසමින්.ඒ වගේම ඔහු පැමිණියේ කෙලෙබ්ට වූ පොරොන්දුවක් ඉෂ්ට කිරීමට බවත් පවසනවා,ඒ වෙන මොකවත් නෙවෙයි ඔහුගෙ පවුල ගැන බලාගන්න බවට වූ පොරොන්දුවක්. ඩේවිඩ් ඔවුන් වෙත පවසන්නේ ඔහු යුද්දයේදී තුවාල වී හමුදා රෝහලක ටික දවසක් සිටීමෙන් අනතුරුව ඔහුව සේවයෙන් ඉවත් කළ බවයි ඔහුගෙ ශාරිරික තුවාල වීම් හේතු කොටගෙන.ඔහු කෙලෙබ්ගේ මිත්‍රයෙක් බව පීටර්සන් මහත්මියගෙ ගෙදර තිබෙන ඡායාරූපයකින් සනාථ කරනවා. ඩේවිඩ් කියන්නෙ ආචාරශීලී වගේම යහපත් මිත්‍රශීලී කෙනෙක් වන හෙයින් පීටර්සන් මහත්මිය ඔහුට කැමති කාලයක් ඔවුන් සමඟ නවාතැන් ගන්න මෙන් පවසනවා.ලූක් හෙවත් කෙලෙබ්ගෙ මල්ලිට පාසලෙ වෙන කරදරයකින් ඩේවිඩ් ඔහුව බේරගන්නවා. පීටර්සන් පවුලේ අයට උදව් වෙමින් ඩේවිඩ් ඔහොම කල් ගෙවනවා.අන්තිමේදී කෙලෙබ්ගෙ නංගීට දැනගන්න ලැබෙනවා ඩේවිඩ් කොලින්ස් යුද්ධෙදී මිය ගිය අයෙක් බව.ඇනා දැනගනිද්දී වෙන්න ඕන දේවල් වෙලා ඉවරයි.ඔතනින් තමයි ඔක්කොම කණපිට හැරෙන්නේ.ඇත්තටම ඇත්තටම මේ අමුත්තා කවුද? ඩේවිඩ් අතින් කී දෙනෙක්ට වන්දි ගෙවීමට සිදුවේද? ඇත්තටම ඩේවිඩ් පැමිණියෙ තම මිත්‍රයා වූ කෙලෙබ් හට වූ පොරොන්දුව ඉෂ්ඨ කිරීමටද? අමුතුම කතාවක් තියෙන්නෙ.එහෙනම් විනාඩි 99ක් පුරාවට ත්‍රාසය,භීතිය,කුතු හලය මුසුවූ "The Guest" සමඟින් එකතුවෙන්න.Dan Stevens සුපිරි රංගනයක නිරත වන අතර IMDB ලබාගෙන ඇති ලකුණු ප්‍රමාණය 7/10 වැනි ඉහළ අගයක්.තව දෙයක් මේකේ පසුබිම් සංගීතය ගොඩක් සිත්ගන්නා සුලුයි.ඔබ Action,Thriller,Mystery චිත්‍රපට රසිකයෙක් නම් ඔබ මෙය අනිවාර්යයෙන්ම නැරඹිය යුතුයි.ඔබට සාමය සතුට පිරි සුභම සුභ නත්තලක් වේවා යැයි පතමින් මම නික්ම යනවා.
ප්‍රේක්ෂක අදහස් දැක්වීම් කිහිපයක්...
* 8/10, nostalgic yet fresh film that is definitely recommended.
* " Entertaining as hell... The Terminator meets Halloween. "
* Great movie! I hope they make a second one.
* had Drive in my mind when watching the movie.
* Dan Stevens is awesome !
really loving the movie (the guest 2014).
great thriller, best casting, lovely music and songs.
10/10
and a wow.
* Such an exciting film, I never wanted it to end. But, as much as i enjoyed the film. No sequel, it's already as good as it gets, instant classic.
* I was always a fan of a good movie soundtrack... However recently havent encountered any good movie tracks...until this one.
~ ඔබේ ජීවිතයට ඇතුළු කරගන්න හදන අය ගැන පරිස්සමින්... ~
.jpg)
