ඔන්න කාලෙකට පස්සේ ලියාම් නීසන්ගේ චිත්‍රපටයක් අරගෙන ආවා. Mystic River (2003),Letters from Iwo Jima (2006) හා American Sniper (2014) වැනි චිත්‍රපටවල නිෂ්පාදනයට එකතු වී Academy Award for Best Picture සම්මානය සදහා තෙවරක් නිර්දේශ වුණු Robert Lorenz ගේ අධ්‍යක්ෂණයෙන් පැමිණි The Marksman චිත්‍රපටයේ රංගනය සඳහා ලියාම් නීසන් සමඟින් සුප්‍රකට Vikings රූපවාහිනි කතාමාලාවේ ලැගතා චරිතයට පණ පෙවූ Katheryn Winnick ද Juan Pablo Raba,Teresa Ruiz එකතු වෙනවා.මෙහි ධාවන කාලය මිනිත්තු 108 ක් වන අතර ක්‍රියාදාම,ත්‍රාසජනක කාණ්ඩය ඔස්සේ වර්ගීකරණය වෙනවා.
කතාව පැත්තට හැරුනොත් ජිම් හැන්සන් කියන්නෙ ස්නයිපර් කෙනෙක් විදිහට සේවය කරපු හිටපු ඇමරිකානු මැරින් සෙබලෙක්.ඔහු ජීවත්වෙන්නෙ ඇරිසෝනා මෙක්සිකෝ දේශ සීමාව අසල ගොවි පලක් පවත්වගෙන යාමෙනුයි.ඒ වගේම ඔහු නීතිවිරෝධි සංක්‍රමණ ගැනත් බලධාරින් දැනුවත් කරනවා.එක්තරා දිනක ජිම් ට දේශ සීමාව සංක්‍රමණය කරන මවක් හා කුඩා ළමයෙක්ව හම්බවෙනව.මොවුන් දෙදෙනා මෙක්සිකානු අපරාධ සංවිධානයකින් බේරි පලා යන දෙදෙනෙක් බව ජිම්ට තේරුම් ගන්නට වැඩි වෙලාවක් යන්නෙ නෑ මොකද එරට බලධාරින් දැනුවත් කිරීමෙන් සුලු මොහොතකට පසු ඒ වෙලේම අපරාධකාර කණ්ඩායමක් ඔවුන් සොයා එතනට පැමිණෙනවා.ජිම් හා ඔවුන් අතර සිදුවන වෙඩි හුවමාරුවකින් එක් අපරාධකරුවෙක් මිය යන අතර අතර මවටද වෙඩිල්ලක් වදිනවා.ඔවුන් කෙසෙ හෝ අපරාධකරුවන්ගෙන් මිදී එතනින් පලා යන අතර වෙඩි වැදී මරණාසන්නව සිටින මව ජිම් ගෙන් ඉල්ලීමක් කරනවා තමන්ගේ දරුවව අර අපරාධකාර කණ්ඩායමෙන් බේරාගෙන ජීකාගෝ වල තමන්ගේ නෑනා වෙත ඔහුව බාරදෙන ලෙසට.කලින් සදහන් කර වෙඩි තැබීමෙන් මිය ගොස් සිටින්නෙ එම මෙක්සිකානු අපරාධ කණ්ඩායමේ මුලසුන හොබවන මොරිකෝ නම් තැනැත්තෙකුගේ සහෝදරයෙක් බව ජිම් දැනගන්නා විට වෙන්න ඕන දේවල් වෙලා හමාර බව ජිම් ට තේරෙනවා.මෙම දරුණු මෙක්සිකානු කණ්ඩායම හමුවේ ජිම් හැන්සන් ට කුඩා පිරිමි ළමයව බේරගෙන චිකාගෝ වෙත ගෙනියන්න පුලුවන් වෙයිද? මොරිකෝ තමන්ගේ සහෝදරයව මරපු කෙනාව නිකං ම අතෑරලා දායිද? කියලා දැනගන්න ඕන නම් ක්‍රියාදාම හා ත්‍රාසජනක ජවනිකා පිරුණු මෙය අරගෙනම බලන්න.
*මේ ලබා දි ඇති උපසිරැසිය HD පිටපත් සමඟ පමණක් ගැලපේ .
සිංහල උපසිරැසි මෙතැනින් ලබාගන්‍න
.jpg)
Post a Comment